Bfree防脹氣奶樽 Hena不再肚仔脹

Hena 出世屬於偏輕,聽我媽講買了Pigeon最普通既奶樽,算係經濟之選 無太大特別。但沒多久就想幫Hena 換一款可防脹氣的奶樽,因為Hena有時肚仔脹佐出黎,要幫佢按摩佢先會食奶。而食奶時間好長,每次要用一小時黎餵佢,尤其晚上想佢一教訓天光,儘量想佢飽啲,咁就要停頓上3-4次,因為2-3安就要掃一次風,休息一陣佢先再食。佢食奶個陣仲成日一邊食一邊放屁,有時左扭右扭。如果無法順利掃風過一陣仲會打嗝,甚至嘔奶,作為媽媽見佢嘔奶 真係好心痛,花佐時間心機同bb既氣力,結果白費了,因此開始尋找防脹氣奶樽。




其實係坐月期間,陪月已經介紹過我Bfree奶樽,佢話以佢經驗,用Bfree 奶樽嘅bb,掃風較易,但會比一般奶樽更用力吸啜。當時因為怕Hena 氣力唔夠大,所以無選擇幫佢換。但最近見Hena 持續嘔奶,而佢都六個月應該夠力,所以決定比佢試Bfree玻璃防脹氣奶樽。

其實一直都好奇點解奶樽可以防脹氣?原來係因為佢設計了一個內置透氣系統,可以令空氣從環蓋通氣孔進入內置閥門,再經導管直達奶樽底部,保持氣壓平衡,避免了空氣同奶混合,減少吸啜時氣泡產生。其實只要明白尼個道理就會識得組合奶樽。




同一般奶樽唔同,傳統奶樽由於空氣無法進入奶樽,令bb好難吸啜,所以飲奶其間會產生氣泡,氣泡會導致腹脹,嘔奶,打嗝。用Bfree防脹氣奶樽 奶嘴內的確無明顯出現氣泡,所以Hena 有時無法掃風,都無打嗝。


而用了Bfree防脹氣奶樽後,Hena 食奶速度竟然比平時快,以前佢晚上食7 期間又要休息掃風仲要暖奶,所以要用一小時以上。但用了Bfree 因為吸啜容易了,肚風少了,掃風跟休息次數也少了所以時間縮短到半小時完成,甚至掃風比以前容易,一坐直就聽到 gur... 一聲。




而我之前擔心Hena 要用好大力氣吸啜嘅問題,都可以放心了。因為佢嘴頭設計質地十分柔軟,甚至比以前用開的更軟更薄。而且形狀大小都好合適Hena




佢奶樽仲有個窩心設計,就是當溫度高於37 導管會由紫色變成粉紅色。暖奶比以前方便好多,因為用玻璃奶樽 暖奶時好容易樽身外邊好熱,但其實奶未夠暖,靠手感覺很難斷定,所以尼個設計好方便。不過要提提大家說明書教 暖奶最好打開樽蓋,可以防止加溫過熱。


自從Hena 用了Bfree防脹氣奶樽後,未有出現嘔奶情況,放屁打嗝都比以前少了,食奶時間縮短了,仲可以減少bb因用力吸啜造成中耳炎及耳道感染徵狀。不過洗奶樽嘅時間長了,因為奶樽配件較多。但見Hena 無肚脹,我又可以多出私人時間,都係值得嘅。最後要提提大家奶嘴要定期更換,建議6-8週就換新。希望大家都搵到適合自己bb嘅奶樽啦!




By: Rina Lam
Facebook: Hena媽媽日記
E-Mail: Rinaaalam@gmail.com







留言

熱門文章