治療濕疹BB心得 (不含類固醇)

一直以黎我都有輕微濕疹問題，由其系轉天氣同乾燥日子。

系我懷孕期間已經好擔心BB都有尼個問題，

所以懷孕期間有介口無食濕毒既野，同食益生菌。

但不幸懷孕接近6個月個陣 濕疹都系爆發，成條頸都系 最後要搵中醫調理。

Hena 剛出世的時間 皮光肉滑 但最近 4個月 開始出現濕疹了。

起初系頸出現，開頭以為佢因為出汗問題所以令到頸仔紅佐，吾識處理甚至有血水。但後來額頭耳下都開始有小小紅。之後因為剛好要去兒科醫生到打針，經過醫生既診斷，證實了系濕疹。兒科醫生開佐有類固醇既藥膏比佢，叫我茶好佐再好好幫佢保養。

因為我自己覺得佢似終太細個 而情況又未去到好嚴重，所以我無比佢茶類固醇，用類固醇藥膏黎看門口，先試下用自己方法黎救佢。

益生菌

因為自己都系濕疹 深深知道吾系單靠護膚就可以斷尾，所以當我知道Hena 都系有濕疹 馬上問兒科醫生 bb可吾可以服食益生菌，而Hena 剛4個月開始厭奶期 醫生都話可以試下同埋希望佢胃口好d。

所以兒科醫生開佐一星期益生菌比我，之後我再出外訂購。點解要食益生菌？因為益生菌可以改善初生嬰兒及兒童腸胃健康、促進消化系統及增強免疫力。食佐希望佢免疫系統會改善 減低再敏感既風險。當然吾系馬上見效 要持之以恆。但一開頭服食 Hena d便便無以前禁臭，同見佢柯得舒服佐, 同服用一個月左右 濕疹範圍都有縮小。

不穿羊毛衣服

要注意有d衣服物料 穿上後有無令BB濕疹惡化。最好換純棉衣物。

濕疹期間我無比Hena穿羊毛衣服，而冷衫都小穿。

用清水沖涼

知道Hena 濕疹之後 因為驚佢用沖涼液 愈洗愈痕 愈洗愈乾，所以我只系用清水同佢沖涼。

康復後會用低敏配方既沖涼液。

護膚

吾知大家有無聽過護膚黃金時間，其實大人同bb一樣，就系沖完涼之後5分鐘，因為溫水沖涼打開佐我地毛孔，所以趕緊保養會更吸收。

我會幫Hena 沖完涼 著好片片 全身就同佢茶La roche posay 佢成分有乳木果油，甘油，b3 都系好滋潤止痕既功用。 因為濕疹多出現系面部 手腕 手肘和膝蓋既內側 所以尼d位我會再茶多小小，由其 膝蓋既內側因為Hena有小小紅。

而面部我有時會茶California Baby 加州寶寶佢成份有金盞花 甘油 蘆薈 都好潤。有時見佢皮膚紅紅地茶完吸收佐又又白又滑。尼2隻我都好常用 因為濕疹會有小小甩皮問題，所以系特別乾燥位置我會系佢訓著佐幫佢厚full or 薄薄地茶完等佢吸收後再加凡士林，甩皮問題好快好。

系佢濕疹位置 每次飲完奶 我都會幫佢用溫水+棉花清潔 -> 抹乾 ->茶cream 每日重複4-5次。

當然適合濕疹bb既用品有好多，每個bb用既護膚品都未必一樣，如果用完見紅惡化就要停用，如果濕疹太嚴重 其實都要跟醫生建議先用類固醇 茶好佐再護膚。 bb仔新陳代謝好快 比d耐性心機 好快又變反又白又滑。 

以上系我個人小小既分享，吾代表適合所有bb，有任何醫學問題可以先查詢醫生。

BY: Rina Lam
E-Mail: Rinaaalam@gmail.com