自家製心意卡

爸爸就快生日，因為又要湊Hena又想整生日卡比佢，

所以用了一個又快又方便既方法。今日同大家一齊分享，

相信手殘既我做到你地都得！

Step1: 上淘寶

哈哈！係咪好出奇點解要上淘寶呢！

唔係上去比錢人做，係上去買素材包。

只要選對自己喜歡嘅風格，購買後有一系列嘅背景圖同 唔同大細嘅裝飾圖，

仲會有埋參考圖比你。其實可以上網搵圖嘅，不過要搵一系列岩心水，

又無水印同要岩size，就要花啲心機。

而淘寶買一份素材包只係幾蚊！係咪好方便呢

今次我購買了2個差不多類型嘅素材包，

淘寶店叫：隔壁小猫素材铺

付款後賣家會send下載地址比你，

因為係百度黎如果唔識可以要求賣家send E-mail比你。

Step2: 設定卡片大細

我今次想整一張小卡片，所以卡片對摺後size係10x10cm

Step3: 製作封面

封面係最花心機個part，首先我搵了媽媽 爸爸 Hena嘅相，

分別用Photoshop 刷膠去除背景(退地)，再合併在一張10x10cm 嘅白紙上。

我仲上網隨便找了個卡通公仔身，一齊合併。

相片傳到手機，用美圖秀秀打開

因為去除背景(退地) 做得不完美，所以我用美圖秀秀幫幫手。

選擇濾鏡->藝術風情->輪廓描邊 

白色底部份都變成背景同有虛線圍邊，再加上不同貼紙做裝飾，

遮住不完美嘅部分。

(如果唔鐘意濾鏡背照可省略，直接把退地後嘅人像放在背景圖上加裝飾就可以)

再用photoshop 將素材包入面合適嘅圖併埋一齊同加字

Step4: 製作內頁

開新頁10x10cm->選用合適背景 自行調節大小

其實跟封面大同小異，

畫個正方形框框轉透明，打字 加裝飾圖

Step5: 合併卡片

為方便列印我開一張A4size嘅紙，係上面合併

卡片底與封面在A4紙上置頂，移向最左邊
而兩面的內頁則在另一張A4紙上置頂，移向最右面
這是print 雙面最簡單的方法
(另一個方法：前後圖片置中，放係A4紙上，但這方法新手難對準位）

Step6: Print

最後我去了旺角中旅社其中一間店 Print 珍珠卡紙，

print嘅時候同職員講print雙面。

以我經驗如果排位出現問題 對位對錯，
遇到好心嘅職員小改佢係會幫你。
反到去剪出黎就完成。

其實只要花小小心機 發揮小小創意，
就可以做出一家人嘅小小回憶，
比起買昂貴嘅禮物更有意義。
希望你地都製作成功喇！

By: Rina Lam
E-Mail: Rinaaalam@gmail.com
Facebook: Hena媽媽日記