牽著Hena去旅行 - 台北: 親子餐廳

今次同Hena去了兩間親子餐廳，

一間係Money Jump 而另一間係大樹先生之家。

宜家分別同大家介紹下兩間餐廳喇！

Money Jump 

餐廳設計以木為主，

選尼間餐廳係因為佢設有0-2歲baby遊戲區同旋轉木馬，

因為Hena仲太細個唔係樣樣都啱佢玩，

所以baby區就啱哂佢，又唔怕佢整親。

baby區雖然只係小小一區，但已經足夠比Hena玩半日了！

區內無論地下定牆都有防撞墊，完全唔怕佢地會跌親。

裡面有個小型波波池

公主風帳篷

鋼琴同益智玩具

防撞墊上面嘅架都放咗好多適合佢地玩嘅玩具同積木

而區外有小木馬比佢地騎

餐廳嘅重點旋轉木馬，當職員準備開動木馬嘅時候，

會廣播叫大家過去，大家只要排隊等待就可以了。

好似Hena禁細嘅bb爸爸媽媽抱住就可以一齊騎喇！

而木馬旁邊有不同字句比大家影相

鐘意玩上落樓梯，捉迷藏，爬隧道嘅小朋友都好啱。

躲貓貓隧道旁邊仲有2部小鋼琴，好可愛

餐廳四處都放了車車

而餐廳另一個角度有家家酒區，

完全啱哂小朋友展示佢地嘅廚藝

食物方面，當日我同爸爸叫了2杯飲品同一份麻糬窩夫，

味道同賣相都唔錯。

而餐廳又坐得舒服，枱同枱之間嘅距離都闊，

可能當日係星期五人數唔算太多。

總結一下Money Jump 餐廳服務質素令我同爸爸都好滿意，

店員好樂意為我地服務，臨走前仲幫我地call車反酒店。

而餐廳都好乾淨，玩具同bb食飯椅都好新淨。

價錢方面我地埋單大約700幾台幣。

而預約訂枱都好簡單，只要官網預約就可以了！

餐廳環境都令人坐得舒服，等Hena識行識跑都想帶佢黎玩多次！

服務電話：02-2792-1156

餐廳地址：台北市內湖區民善街127號2樓

﹝民善街與舊宗路一段150巷交口，入口位於舊宗路一段150巷﹞

而另一間係出名嘅大樹先生之家

相信各位爸爸媽媽對尼間都唔陌生，

作為新手媽媽嘅我只係知道香港都開了但未去過。

今次黎到台北緊係要帶Hena去見識下。

餐廳真係好大，無論室外同室內都有遊戲區

室外有小木屋同滑梯

仲有個小型沙灘

而餐廳入面一邊係遊戲區一邊係用餐區

遊戲區有一個超大波波池，

多波波到Hena跌了一隻襪我同爸爸搵咗好耐，哈哈！

大波波池旁邊有個適合Hena玩嘅baby區

有小滑梯，小樓梯同益智玩具

仲有個小型波波池

而遊戲區另一邊有一堆豆袋積木

仲有廚房玩具

食物方面當日因為我地07:30去到，忘記廚房7:20已經關了！

因為忘記了要提早點餐所以只係叫咗2杯飲品同2件蛋糕。 

蛋糕無影相因為係我同Hena玩緊個陣已經比爸爸偷食了，味道一般。

而飲品方面只可以用淡而無味黎形容，可能因為我地遲去喇！

其實有點失望，雖然當日係星期日我都預咗多人，

但其實我去個日禁啱有人開緊生日party，

而我係大約半個月前訂位但職員無告知我，

當日原本係訂了晚上7:00，

而我地因為行程緊密所以通知了職員會遲小小到，

但佢地都無通知我地有人開party，所以的確有啲唔開心。

當日去到餐廳好多人，而且又有員工主持緊生日party，

對於我地唔係開party嘅家庭黎講都覺得幾嘈，

我同坐對面嘅爸爸傾計都有所困難，而且仲有格格不入嘅感覺。

都可能因多人關係座位都有啲迫，同隔離枱都近。

而員工忙到都無咩點招呼我地，點餐結帳都用了好多時間。

上面得Hena玩緊嘅相片，其實我係係佢地切蛋糕個陣馬上帶佢去玩影的。

我覺得餐廳可以係我地訂枱前或知道有人開party後 提提我地，

比我地考慮下要吾要繼續前來或改日子，

都因為禁嘅情況我地好快就走了！

而當日因為係假日要收取清潔費，連食物總共大約台幣900蚊左右。

而訂台好簡單我係係Facebook直接add佢地就完成。

不過餐廳地方真係好大，設備好齊全，

一班小朋友開party應該會好開心，

如果大家時間允許簡平日應該會好啲

希望下次到訪會有個美好回憶喇！

Facebook: 大樹先生的家- Mr.Tree (親子餐廳）

地址: 臺北市大安區潮州街38號

捷運站:古亭捷運站

六號出口出來直走，第一個紅綠燈路口(杭州南路)右轉

再直行到下一個紅綠燈十字路口(潮州街)右轉

今次親子餐廳嘅分享係禁多喇，

等Hena再大個啲先再帶佢去更多唔同嘅餐廳喇！

By: Rina Lam

Instagram: Rinaaalam

Facebook: Hena媽媽日記

E-mail: Rinaaalam@gmail.com